سلام عليكم جيبت لكم قصة عمركم ما سشفتو مثلها

الكاتب(روح الله)
(الدلع وما يسوي)

حسن كان طالب من المتفوقين حبوب جداً الكل كان يحب ان يصادقه,حسن كان وده ان يدخل النادي ببغى يصير مشهور وبطل على شان يقدر يدافع عن نفسه,كان ابو حسن مو موافق لانه بينزل مستواه الدراسي وطبعاً كان ابو حسن ما عنده اله بنت وولد وحسن كان المدلل والي يخاف عليه من كل شي ....كيف يبغاه يروح النادي
المهم حسن قاعد يدلع اكثر فأكثر شاف انه ابوه ماراح يوافق ابداً راح غرفته وكان مايطلع من غرفته اله للضرورة وكل مايسأله ابوه وشي فيك ولدي يقول ما فيي شي
ابوه حزة في نفسه قال هنا بدت القصة.......الحين تقولوا اخيراً بدت.


ابو حسن:ولدي انا ماكنت مقصر في حقك ولا شي,يعني لو انا ما انتبهت الك من غيري اللي بينتبه؟قول منهو.
حسن:ابوي خلاص انا شلت الفكرة من مخي وانته الحين جيت تقول هالكلام.
ابوحسن:لا ولدي انا رضيت تروح بس ادا انت غيرت رايك بكيفك..
وحاول انه يطلع يشوف ابنه ويش رايح يسوي..
حسن:ابوي ليش كذا تسوي فيي عاد ابوي ابغا اروح.
ابوحسن:ههههههه توك تقول انك شلتها من مخك ليش رجعت؟على العموم انا لسه موافق على روحتك بس بشرط.
حسن:اهاااااااااا أقول انا ليش ابوي وافق؟
ابوحسن:اوكي خلاص انا غيرت رايي هدا انت بعدك ما سمعت وشي الشرط
وقعذت تسوي كذا.
حسن:خلاص خلاص ابوي انا آسف.
ابو حسن:ههههه ياحليلك يا ولدي,اسمع انا راح اخليك تروح شهر واحد وبشوف وشي مستواك الدراسي ادا نزل درجة ما راح اخليك تروح موافق؟
حسن:انا موافق وشكراً الله يخليك لنا وما يحرمنا منك..وباس حسن راس ابوه وهو مستانس.

حسن كان يروح المدرسة وبعد مايرجع يرتاح له ساعتين وبعدين يروح النادي
بس حسن مصر انه يروح النادي مهما كانت الاحوال,حسن بعد شهور صار يروح بوطولات وكان مشهور كان هدا حلمه,طبعاً ابوه راح المدرسة وسأل عنه
وقالو ولدك ما يحتاج تسأل عنه لانه اكثر واحد شفته يحب الدراسة....

ابوحسن راح بيتهم وهو رافع راسه من الفرحة.......

حسن كان افضل لاعب في النادي ومتفوق في دراسته
الحين وهو كان في المدرسة كانت المدرسة مشتركة يعني بنات وأولاد
كان قاعد على الكراسي يذاكر مرت عليه بنت جميله جداً لحد ما تتصوروه كان الكل
يحاول التعرف عليها بس هي ما تعطي وجه كانت هي تحب واحد اسمه علي
وهو كان زي حسن في النادي لكن غير مو نفس النادي الي فيه حسن
طبعاً هي فيها حقد من حسن لانه احسن من علي بواجد فا هي تبغى تخربه
اسمها امل .

امل بدلع:سلام عليكم
حسن:وعليكم السلام....وقام وشافها انبهر وكانت اول مرة يكلم فيها بنت
امل :وشي فيك قاعد لحالك ما عندك اصدقاء؟
حسن:اله عندي بس انا قاعد اذاكر فا قاعد لحالي ,,,,
ممكن اعرف انتي كيف عرفتيني واسمي
امل:ههههه مو انت تلعب في نادي واني احد المعجبين فيك ممكن اقعد معاك
حسن:أي أي تفضلي
امل:ممكن اكون صدقيقتك غير كذا ما ابغا واذا السؤال ازعجك خلاص انا ممكن اني ما اكلمك
حسن:لا عادي انا ما عندي مانع بس اصدقاء اوكي .......
قعدو يسولفو ويضحكو ومرت عليهم ساعات لين ماجى وقت الحصة حسن استأذن منها وقام وراح القاعة بعد ماخلص قام طلع على شان يروح بيتهم
لما وصل باب المدرسة شافها واقفة عند الباب
حسن:تستني احد ها؟
امل:لا كنت استنى ينزل الوحي
حسن:هههههههه حلوة ذي لا صج ويش عندش
امل:هههههههههه كنت استناك لان السواق اليوم ماراح يجي وابغاك توصلني بيتنا
حسن: اوكي بس انا ما معي سيارة.
امل: هههههههه لا تخاف بيتنا مو بعيد.
حسن: يالله مشينا.
وهم في الطريق سوالف وضحك لين ما وصلو بيت امل
امل:حسون تفضل معاي
حسن:ههههه اول مرة واحد يقول لي حسون
لا شكراً انا تعبان وابغا اروح البيت على شان ارتاح لين اروح النادي
خليها وقت ثاني
امل: اوكي مع السلامه.
حسن: مع السلامه
حسن وهو في الطريق ياليتني اخذت رقم جوالها لين وصل بيتهم

في اليوم الثاني كان حسن قاعد يدور امل ما حقلها راح الفصل وكل تفكيرة فيها
وبعد ماطلع شافها
حسن وهو يركض لها: ها وينك اتعبت وانا ادور عنك
امل:البارح نمت متأخرة
حسن:ليش امل مانمتي من وقت؟
امل:كنت افكر في واحد
حسن:هههه الي كنتي تفكري فيه يتهنا
امل وعليها احباط:أي بس انت مو زعلان لاني اعرف واحد غيرك
حسن:يهمني بس انتي تعتبريني كا صديق وبس انا مالي حق عليش
امل:افاااااااا بس ما سألت من الي في بالي
حسن: أي صح منو؟
امل:ليش يهمك تعرف منو؟
حسن:أي اكيد يهمني منو؟
امل:بس يمكن انت تزعل؟
حسن: انا ازعل؟انا ازعل من الدنيا كلها ولا ازعل منك
امل بدلع:انت اليي في كان في بالي
حسن وهو اول مرة يسمع كلام حلو:انا؟ليش انا سويت لش شي؟
امل:انت خليتني ما انام وتقول لي (وتقلد صوته, ليش انا سويت لش شي)
حسن:هههه حلوة تعرفي تقلدين الش مستقبل
امل:هههههههه حسوني ممكن طلب؟
حسن:هههههه اول شي حسون وبعدين حسوني بعدين مادري
أي اتفضلي
امل:ابغا رقم جوالك ممكن؟
حسن:انا توني كنت ابغا اقول لك بس كنت مستحي,أي ممكن
حسن عطاها رقمه واخد رقمها.

حسن في بيتهم ما ادري اتصل لو لا توه يمسك جواله اتصل واحد رقم غريب بس ماهو كان رقم امل تتوقعو كان رقم من

(الجزء الثاني)
حسن في بيتهم ما ادري اتصل لو لا توه يمسك جواله اتصل واحد رقم غريب
رد عليه
حسن:الوو
المتصل:اهلين من معاي
حسن:انتي اللي متصله لو انا
المتصل:اني بنت
حسن:هههههه ليش شاكة في نفسش
المتصل:لا يعني اني ماني قايلة وشي اسمي
حسن:اوكي يالله مع السلامه اتمنا انش ما تتصلي لهادا الرقم مرةثانية
المتصل:انت من صجك بتسكر اني امل
حسن وهو طاير من الفرح:هلا هلا بأمل انتي كيف تعطيني رقم غلط
امل:حبيت اني اسويها لك مفاجأة
حسن:اها بس خوش مفاجأة
امل:عجبتك؟
حسن:ادا هي منك اكيد تعجبني
امل:تسلم لي
حسن:بتشوفي مباراتي اليوم؟
امل:أي اكيد لازم اشوفك بس انتبه لنفسك اذا صار لك شي كأنه صارفيي
حسن:لا ان شاء الله ما بصير لي شي بس انتي شجعيني
امل وهي بحقد:أي اكيد,حسون
حسن:هلا امول
امل:هههه حلوة منك (امول)ويش رايك انك تجي الحين عندي قبل ما تروح المباراة
حسن:ها أي ان شاء الله بس شوفي انا كيف اقول الى ابوي ,اقول له رايح الى امل؟
امل:هههههههههههههه انت من صجك شوف انت قول الى ابوك انك رايح الى صديقك تذاكر واحمل معاك كتاب

حسن اهني بدا ابليش يلعب في مخه وهني بدا حسن يكذب

حسن:انا راح اقول الى ابوي وبارد الش ,بس تعالي انا اتصل على أي رقم؟
امل:هههههههههههههههه اكيد على الي قاعد اكلم منه الحين



حسن:ابوي انا باروح اذاكر عند صديقي عادي
ابوحسن:ليش ما اذاكر اهني
حسن:ها أي بس انا في درس ما فهمته وراح صديقي يفهمني اياه
ابوحسن:بس من هدا الصديق؟اسمه؟من ابوه؟
حسن تورط وشي يقول أي تذكر صديقه اللي كان يجي وابوه ارتاح له

حسن:ابويي هداك الي كان يجي عندي من قبل
ابوحسن:أي هدا خوش ولد,بس روح ولا تتأخر اوكي
حسن:اوكي ابوي

حسن وهو طالع يقول في نفسه انا ليش كذبت انا ليش كذبت انا ما كنت كذا
ليش ليش؟؟؟؟
اووووووووه خلاص اهم شي اني رايح الى حبيبتي امول

وصل عند الباب تردد يدق الباب وله لا توه بطقه اه هي فاتحة الباب
امل:هلا حسون تفضل
حسن:شى وين اهلك ؟
امل وهي تسوي روحها زعلانة :ابوي وامي ماتو من زمان
حسن:الله يرحمهم ان شاء الله
امل اصلاً مستأجرة هدي الشقة
امل:حسن تفضل البيت بيتك
حسن دخل وقعدو على الكنبة وكل اشوي امل تقرب من حسن
لين ما صارت جمبه ,امل حطت ايدها على كتف حسن وهي مبتسمه
اله .حسن هني بدى يستحي ..........
امل داخت حدها وماتقدر قالت اله: حسون تكفى في حبوب فوق الكبت هناك جيبا
حسن:سلامات وشي فيك
امل:راسي راسي بسرعة

حسن راح جاب الحبوب وشربت امل الحبة وحست بالراحة
امل راحت المطبخ تسوي الخلطة الى حسن على شان يدمن على الحبوب
طبعاً انتو تعرفو وشي هدي الحبوب تسوي في الواحد حتطه في العصير شربته الكاس وبعدي طار مخ حسن ولا راح المباراة وكان خصمه حبيب امل هو علي
وتأهل علي الى المباراة الثانية وطلع حسن من الدوري

طبعاً حسن اخد اله غفوة في بيت امل وبعد ما قعد راحت امل عطته حبة حق راسه و طلع من بيت امل على طول راح بيتهم وهو سكران دخل بيتهم كانت اخته قاعده تصيح, طبعاً انا ماقلت شي عن اخته

فاطمة بنت تشتغل في المستشفى مخطوبة وخطيبها حالته المادية صعبة شوي .

المهم نرجع

قاعدة اتصيح ودخل حسن وهو سكران مايدري وشي السالفة
حسن:السلام عليكم
فاطمة وهي ماهي قادرة من الصياح:وانت توك جاي ليش متأخر ابوك طلع يدور عليك
حسن:ها شى انا متأخر وثاني شي انا ما سويت شي
فاطمة:الحين ابوك بجي وبتعرف وشي سويت


ودخل ابو حسن وهو معصب حده وشاف حسن قاعد
ابو حسن:ولا بعد ولا كأنك مسوي شي صحيح ما تستحي على وجهك
حسن:ابويي انا وشي سويت؟؟؟ (سؤال عبط)
ابوحسن:وتستعبط عليي ها اوكي فاطموووه قومي جيبي الخارزانه على شان اوريه وشي مسوي
فاطمة:خلاص ابويي مايحتاج ان شاء الله مايعيدها
ابوحسن:لا مو خلاص شى انا باخليه يسويها مرة ثانية
فاطمة:ابويي خلاص والي يخليك
ابوحسن:والله لو ما انتي كنت ما رحمته يالله انقلع غرفتك ولاعاد اشوف وجهك
حسن:تصبحوا على خير!!!!!!!!!! واااااحد فاضي



بعد ما صحا حسن من نومه تذكر وشي اللي صار اله مع ابوه واخته واندم على الشي الي سواه وراح الى ابوه دخل......
حسن:ابوي للحين زعلان مني
ابوحسن:..................
حسن نزل عند ارجول ابوه:ابويي واللي يسلمك سامحني انا كنت مع صديقي وغفت عيوني ونمت
ابو حسن:..........
حسن توه بيطلع وهو يصيح بدون صوت
ابوحسن:انت الحين عرفت انا ليش كنت مو موافق على روحتك النادي
حسن:..........
ابوحسن:اكيد عرفت لان انت ماتحس اللي انا احسه
حسن:بس ابويي النادي ما اثر علي انت سمعت اللي قالوه الك وانت بنفسك افرحت اليي
ابوحسن:...........
حسن:سامحني ابوي ماكنت ادري ارجوك لاتحرمني منك
ابوحسن ابتسم:اذا ما سامحتك من بيسامحك
حسن وهو طاير من الفرح:تسلملي ها الابتسامه ولا يحرمنا منها .
ورح حسن باس راس ابوه
في الصباح كان حسن قايم يفطر على شان يروح الجامعة .....

راح الجامعة وهو ما هو طايق نفسه من الي سوته فيه امل شافته امل
امل:وشي فيك حسون مالك خلق
حسن:...................
امل:فديت اللي مبوز ومسوي روحه زعلان
حسن عطاها ابتسامه وقال:انت من صجش جايه بعين باردة تسأليني ويقلد صوتها(حسون وشي فيك مالك خلق)
امل:ههههههههههه طلعت حتى انت تعرف تمثل زيي الك مستقبل,بس حبيبي صدقني ما ادري وشي فيك؟
حسن:انتي وشي عطيتيني امس؟
امل:..................
حسن:انت حليتيني اتأخر عن بيتنا وابويي ازعل عليي ويمكن حتى ما يخليني اروح النادي ,وخليتيني ما اروح المباره
امل:بس كنت ابيك تستانس معاي وتسهر معاي وانت مبصوت

^
^
^
^
^
^

هدا الجزء الثالث وصل لكم وان شاء الله يعجبكم
نرجع......
حسن:انت خليتيني اتأخر عن بيتنا وابويي ازعل عليي ويمكن حتى ما يخليني اروح النادي ,وخليتيني ما اروح المباره
امل:بس كنت ابيك تستانس معاي وتسهر معاي وانت مبصوت
حسن:ههههههههههههههه تحطي ليي منوم وتقولي اسهر معاك مسانس
امل!!!!!!!!!!!!!!!!!!!!في قلبها:وشي فيه هدا البهيم وشي يقول ليكون ما عرف وشي عاطنه؟
حسن:ليش سكتي ؟اكيد بسكتي لانك ما عنك رد على الكلام اللي قلته
امل كاسكه الضحكة بالقوة:حسون يالله مو قصدي
حسن:موقصدش تحطي ليي منوم في العصير وتقولي مو قصدش
امل خلاص ما قدرت لفت وجها وضحكت ضحك ورجعت اله :اسفه حبيبي
يالله سامحني اخر مرة اسويها
حسن:................
امل:ترى اني بزعل منك هدي اول مزحة وزعلت يالله سامحني
حسن مسكين وهو ما يدري وشي اللي شربه وقال:انا زعلان منش بس يالله باسامحش هامرة بس مرة ثانيه ما باسامحش فهمتي,وهو مبتسم
امل:فديت هالابتسامة وان شاء الله دوم

حسن راح القاعة وهو مستانس ومـــــــــــــــــــسكين ما يدري وشي وراها دي البنت
بعد ماطلع عورة راسه بالقوه وما هو قادر
حسن:الحين انا وشي اسوي راسي فاقع ومنا قادر اسوي شي

تذكر امل لما عورها راسها شربت حبه وعلى طول ارتاحت
حسن راح الى امل:امول حبيبتي ممكن تعطيني من الحبوب حق راسش لان رسي مانا قادر منا
امل:من عيوني ,امل عطته من الحبوب كانت حامله كميه لان المدمنين في أي وقت تحتاجه قالت له:شوف حسون هدي خمس حبات كل ما يعورك راسك اشرب حبه
حسن وهو مستانس:مشكورة حبي ولا يحرمنا منش

راح بيتهم نام ,بعد ما قعد العصر راح عند ابوه :ابويي
ابوحسن:نعم ولدي وشي تبي؟
حسن:انا بسألك ادا ماتبغى خلاص لا تزعل حالك اعتبر السؤال ما سألته
ابوحسن:حسن اتكلم تراك زهقتني
حسن وهو منزل راسه:ابوي عادي اروح النادي؟
ابوحسن رفع راس حسن:ليش ما تروح انا وعذتك ادا مانزل مستواك ما باخليك تطلع

حسن راح باس راس ابوه وقال له شكراً ابويي ولا يحرمنا منك
حسن راح وهو مستانس من ابوه
وهو في النادي شافه المدرب
المدرب:ها حسن كذا اتخسرنا وما تجي
حسن منزل راسه:اسف بس كانت عندي ضروف وما قدرت اجي
المدرب:حصل خير يالله قوم.

حسن وهو يتدرب حس بتعب كبير وهو يجري وما قدر ,كان حسن اخر واحد يوقف في الجري الحين هو اول واحد وقف.
المدرب:حسن وشي فيك تعبان؟
حسن:ما ادري احس راسي يعورني
المدرب:خلاص روح بيتكم وبكرة يصير خير

طلع حسن وما شاف روحه اله عند باب بيتهم دخل على طول راح شرب حبه
واراح اتصل الى حبيبته امل ماترد عليه لان خلاص خلصت من مهمتها البشعه
اللي لعب ابليس في عقلها
حسن:وشي فيه دي ما ترد ؟

قام كل يتصل وفجأه مرة وحدة

ان الهاتف اليي طلبته غير موجود في الخدمة مؤقتاً

حسن:افففففففففف والحل يعني ما في اله حل واحد ان اروح لها بيتهم وياليته ماراح ليها


وصل عند الباب دق الباب فتح واحد اله شاف علي في وجهه
علي:امل تعالي شوفي منهو جاي لينا
امل:خليه يدخل
علي:هههههههههههههههه انتي شوفي منهو وبعدين قولي له يدخل

امل:حسنوه هدا نعم وشي تبغى
حسن:امل وشي فيش امول
اتدخل علي بينهم:ههههه بعد اتدلعها اقول بلا هدرا يالله وشي تبغى

حسن:انت مالك دخل بينا صح امل؟
امل:ههههههه ومنهو انت على شان تتحكم في اخلص وشي تبغى
حسن تغيرت ملامح وجهه ويقول:امل ابغا الحبوب اللي عطيتيني اياها حق راسي خلصو اللي عندي
امل:ههه انت تدري انت وشي هدي الحبة اللي تشربها؟وبكم؟
حسن:حبة وجع راس عدل,بس ما ادري بكم رحت الصيدليه ابغا اشوف زيها ما حقلت
امل وعلي:هههههههههه
امل:اني ماعندي حبوب ويالله انقلع ولا اشوف وجهك
حسن قام يصيح عند الباب وحاله ما يسر اللي يشوفه وجهه اصفر وتحت اعيونه اسود وكان حالته حاله

راح حسن عند ارجول امل تكفي اعطيني لو حبة وحدة
امل:انقع ما في
امل عطته اسم الحبوب وقالت اله انت دور وشوف وينه اتحقله

حسن راح الى علي عند ارجوله وعلي رفس حسن في وجهه

وطردوه وسكرو الباب في وجهه وهو حالته حاله وهو قاعد يمشي


في الجزء الرابع تعرفو وشي بسوي بعد ما عرف خيانت امل






شفتو عنف البنات ياجماعة انتبهو من البنات ترى لاتغركم اشكالهم وطيبتهم

هدا الجزء الرابع


راح حسن عند ارجول امل تكفي اعطيني لو حبة وحدة
امل:انقع ما في
امل عطته اسم الحبوب وقالت اله انت دور وشوف وينه اتحقله

حسن راح الى علي عند ارجوله وعلي رفس حسن في وجهه

وطردوه وسكرو الباب في وجهه وهو حالته حاله وهو قاعد يمشي
في الطريق قاعد يقول في نفسه انا لو طاوعت ابويي وما دخلت النادي
وكان ابويي هو على حقّ>>>>>طبعاً انا كانت معاي نفس المشكلة بس نوع ثاني

حسن راح قعد عند باب شقة امل ,وشوي طلعت امل مع علي

حسن في باله::هدي وينه بتروح خليني اروح الحقهم واشوف وين بروحوا
مشى معاهم حتى وصلو الى مكان كريه جداً القرف والاوساخ وكل شي قذر
الله لا يخليكم تشوفوا هالمكان وفجأة!!!!!!!!!!!



(انعد مع بعض)






5








4










3









2






1







يالله انشوفكم الجزء القادم وهو الخامس والسلام عليكم








































أيــــــــــــــــــــــــه خلاص امزح معاكم..نرجع


حسن شاف اللي ما ينشاف <<<<اله في الخيال
شاف ناس مدحنه (كسيفة)مفلوتين في الشارع وحالتهم حاله واله يشوف امل تروح عند باب فيه ضوء حبوب في كيس (هدا الحبوب الي كان حسن يشربه)حس حسن ان
هدي الحبوب اللي كان يشربها وانخش<<بلغت المحدود خخخخخخخ
على شان ما تشوفه امل ,بعد ما راحو حسن راح وسأل اللي هناك هدا وشي
الحبوب انا ابغى زيها البائع::وانت منو على شان تبغى؟
حسن::انا من طرف امل
البائع::أي فهمت(لان عرف ان امل وحدة نصابه وتلعب على الناس ,وهدا واحد منهم)
وجاب اله حبوب واخد بكميه كبيرة بكل افلوسه حتى يكفيه لمذة كثيرة
ورجع بيتهم وهو قاعد يهلوس لان شرب اكثر من حبة >>مسكين
ودخل غرفته نام قعد الصبح حتى ما راح الجامعة لانه تعبان




ابوحسن::فاطمة وشي فيه حسن مو عادته ان يغيب واجد شوفي انتي دكتورة
يمكن تعرفي وشي فيه
فاطمة::لا ان شاء الله ما فيه اله العافيه والحين اذا قعد من نومه باشوف وشي فيه


بعد كم ساعة قعد حسن من نومه وراحت اليه فاطمة::خيي حسن وشي فيك مو من عادتك اتغيب واجد
حسن::خيتو تعبان هالمرة احس ان راسي بينفجر
فاطمة وهي تقرب منه::دقيقة باجيب عدتي وباجي
راحت طياري وجت وهي تركض>>زي امونة خخخخ

كشفت على حسن وصارت تبكي وهي ساكته<<يالله مشوها على شاني
وقالت اله حسن ممكن طلب
حسن::أي تفضلي
فاطمة::اني ما ابغاك تطلع من البيت
حسن وهو معصب:: ليش بالله انتي صدقتي روحش دكتورة ولا بعد تسوي رحش ولية امري(يعني ابوها)
فاطمة::حسن الحين جزاتي ابغا راحتك تقعد اتصرخ عليي
حسن ::اطلعي برة وما ابغا اشوف رقعة وجهش يالله
فاطمة::ابغا اقعد معاك<<<وحدة هبله,سين سؤال:هل كل النسوان هاكذا؟؟؟!!
حسن وياخد المخده ويصفعها على وجهها <<مو النسوان كذا ما يبغليها اله العيون الحمرة

حسن ضل في بيتهم اسبوع ما يروح لا الجامعة ولا النادي بدال لا يخسر النادي ,خسر ابوه واخته والجامعة والنادي ..

وفــــــــــــــــــــــــــــــي يـــــــــــــــــــــــــــــوم مـــــــــــــــــــــن الايام
حــــــــــــــــــــــسن ....أأأأأأأأأأأأأ

الجزء الخامس:؟:؟:

وفــــــــــــــــــــــــــــــي يـــــــــــــــــــــــــــــوم مـــــــــــــــــــــن الايام
حــــــــــــــــــــــسن ....


خلصت كل افلوسه يا الله حاجة تجر حاجة االله لا يبلينا قولو آمين

وقعد يدور أي طريقة يجيب افلوس على شان يشتري هالسم اللي يشربه


وصحيح ما قلت ليكم حسن تطور الحين صار يشم طحين وهدا اغلا من الحبوب

حسن راح الحمام كانت توها فاطمة طالعة من الحمام وحسن على طول دخل
وراها المهم بعد ما قضى حاجته <<<تكرموا



شاف خاتم على المغسل <<جى ابليس يوس وس في مخ حسن
حسن اخد الخاتم وهدا الخاتم حق فاطمه وهي نسته هي كل تنساه بس ما اتوقعت ان حسن شاله المهم هي ما خطت في بالها في الخاتم بس راحت اشترت زيه على شان لو عرف ابوحسن ان فاطمة نست الخاتم وبعدين ما شافته بيعصب وبيمرض




حسن الحين خلاص ما قدرلازم يكون له ميزانيه حق السم اللي ياخده

راح السوق على شان يبوق له أي شي<<<تطور الاخ

وهو في السوق شافه صديق ابوه وهو يحاول يبوق بس توه بيمسكه فلتت ايده وركض حسن على شان ما يمسكه

طبعاً هدا الرجال يحب ابو حسن ويعتبره زي اخوه راح الى ابو حسن وكلمه



طرده من بيته لان مقتنع في ولده ان ما يبوق وهو ماهو محتاج الى شي
على شان يبوق المهم,وكل يوم يبوق اليه حاجات حتى صار ما يحتاج يفكر على طول يبوق <<<يعني خبرة صار




في يوم من الايام كان ابو حسن مجمع كم قرش على شان يروح الحج <<<الله يطعمنا
المهم في ليلة اليي بسافر فيها كان ابو حسن حاط فلوسه على التسريحه <<ما ادري وشي يسموها كتبتها بالعام



المهم في الصباح ابو حسن فقد فلوسه ,وطلع حسن لان الفلوس مو قليله فا حسن ما ليه أي مكان في البيت طبعا حسن ساكن عند الخمارين اللي في المكان المضلم اللي كله رزاله وزباله وادري كيف يعني انتو اتصورو كيف يكون المكان بتتألموا على حسن المسكين اللي وقع في الادمان بسبب امــــــــــــــــــرأة




حسن فكر ابوه سافر ودبر حاله مع الشباب اللي وياه ولما رجع شاف ابوه يستناه
ويدقه طراق قوي<<<من امه

ويربطه ويكيح فيه ضرب واخته المسكينه اتصيـــــــــــــــــه واتقول ابويي تكفى خلاص انا اتعذب خلاص كفايه ترى بموت

ابوحسن::لالالالالا انا ابغاه يموت هالخايس وما برتاح اله ادا مات
خلاني اكذب اعز صديق اليي وطرذته من البيت وهو كان يبيني انتبه الى ولدي
والحين ما هو ولد ....وبعدين وين الفلوس ها قول <<ومعاها كم كف

حسن::ما ادري ما ادري
فاطمة::اكيد في الس اللي يشربه<<<لحظة صمت
قالتها وحطة ايدها على بوزها وخلاص ما هي عارفه وشي تقول

ابوحسن::نعم يابنتي وشي قلتي ما اسمعت ؟
فاطمة كانت هي تعرف لما كشفت عليه ::ما قلت شي ابويي انا؟ما قلت شي

ابوحسن طبعاً معصب وياخد ايده ويــــــــــــــــــــــــــرفعها حدها وتمر زي الزهبة

وهدا الجزء السادس والاخير تتتتتتتتتتتتتتتتتتتتتتدددددددددداااااااااااااااا!! !!!!<مجنون

ابوحسن طبعاً معصب وياخد ايده ويــــــــــــــــــــــــــرفعها حدها وتمر زي الزهبة

ويصفع حسن كف جامد خله يلزق في الطوف<<<كبتن ماجد خخخخخخ
وخلاص ابو حسن ما قدر لما سمع اخته تقول كذا راح اليها تكفي بنتي انا ادا ما دريت الحين بكرة ابدرى
فاطمة وهي ما هي عارفه وشي تقول ::ابويي ما في شي صدقني طلعت من الساني بالغلط
ابوحسن عصب::وانتين بعد تبغي كم كف زيه يالله بتقولي لو ويش
فاطمة::لالالا باقول<<<وقالت اليه السالفة من الاول وكيف لما باق خاتمها
وهي على طول شرت زيه على شان رجلها مايسوي شي وتنسحب السالفة الى انه يعرف بسالفة حسن ويطلق فاطمة وهي مسكينه وشي ذمبها

وقعد ابو حسن على الكنب ::اه ه ه ه ه ه ه ه ه ه ه ه يعني خلاص ارتحت هدي نهاية النادي وشفت كيف انا كنت امنعك منه وانت تزعل وما ادري وشي تسوي في نفسك
وارتحت لما صرت مدمن انا كان قلبي حاسس في شي بس ما حبيت اتكلم على شان لا يكون السالفة صج

والحين يالله انا باوديك المستشفى حق المدمنين وان شاء االله ما تطلع اله وانت ميت
حسن قام وقال الى ابوه::ابويي تكفى لا تخليني
ابو حسن::انا مو ابوك ولا اعرفك ويالله على المستشفى

ووداه المستشفى على طول وقال اليهم أي نعم هذا ولدي حسن وانا توني ادري عنه انه مدمن وانا جبته اليكم وما ابغاكم تطلعوه اله وهو ميت اقصد متعافي ويالله مع السلامه

وتوه بيطلع ابو حسن من المستشفى اله ويطب في غيبوبة ويشيلوه الدخاتره<< كلمة قداحة
وبعد كم يوم قعد من الغيبوبة وسأل الكاترة ::انا في وينة؟؟
الدكتور:انت في المستشفى شفناك طايح واخذناك على طول المستشفى وصار الك
ثلاثة ايام وانت في غيبوبة وانت الحين الحمد الله طيب وتقدر تمشي
ابو حسن ::مشكور وما تقصر ويالله مع السلامه

طلع ابو حسن وراح المستشفى الى ولده وسأل عنه
وقالو اليه ولدك عنيد وما يسمع أي كلمه
ابو حسن::اقدر اشوفه ؟
قالو أي بس بدون ما تلمسه

المهم دخل اله شافه وهو جالس في الزاوية وحاط وجهه على ركبته وهو قاعد يصيح طبعاً كان يقدر يكلمه ناداه ابو حسن::حسن
رفع راسه حسن ولما شافه ابوه كيف صاير شكله وجهه كل ضربات ومشمخ وحالته حاله وقال الى ابوه::ابويي تكفى خذني من هالسجن
ابو حسن ::ان شاء الله بس تتعافه وطيب اقدر اخدك بس وشي هالضربات اللي ف وجهك من وشي
حسن وهو منزل راسه::أي ابويي هم يضربوني كل يوم ومايخلوني في حالي كل يوم طراقت والله اتعبت منهم عاد ابويي خدني منهم اتعبت والله اتعبت
ابو حسن ::دقيقة وراجع

راح ابو حسن الى المدير المركز وقال اليه :عفواً انا جايب ولدي يتعالج وله على شان تضربوه وتعقدوه الحين الحين تطلعوه
المدير::بس.....توه بيتكلم
ابوحسن::لا بس ولا شي ما ابغا اسمع ولا كلمه الحين تطلعوه
المدير::اوكي ما عليه بس اتذكر ان مو احنى اللي طلعناه من المركز اوكي؟

ابوحسن::أي ما عليه
ابوحسن اغلط لما طلع ولده من المركز لان كذا ما بيفيد وراح بيتهم وحبس
حسن في غرفة في السطح وطلع وراح شغله وقال الى فاطمة اذا فتحتي الباب الى حسن واله كلمتيه اباحطش وياه زيــــــــــــــــن؟
فاطمة::والحمام ؟؟
ابوحسن::انا وشي توني قايل الش هو كذا نهايته ما يبغى المركز خله هني يخيس


طلع ابوحسن وهي فاطمة قاعدة تواسي حسن وتقول اليه يالله كم يوم وانت تطلع

ياما نصحتك وقلت الك لا تطلع بس انت الله يهديك ما تطاوع وما تسمع الكلام
حسن وهو يصيح ::فكومة باموت يالله افتحي البا ولما يجي ابويي سكريه يالله حبيبتي
يالله انا ما اقدر اعيش في الغرفة وانتي ما تقدري عليي وانا قاعد في هالغرفة
فاطمة ما اسحملت السالفة وقامت تصيح بزيادة::حسن ابويي بيعصب مني لاني
فتحت الك الباب واني ما اتعوذت ازعل ابويي ,, استحمل اشوي يالله ما بقي شي

حسن ::ترى بتنحر اقول اليش ابغى اروح الحمام ما قادر يالله عاد افتحي

بعد الاحاح على فاطمة فتحت الباب وقالت تكفى حسن لا تهرب من البيت
حسن::لا تخافي ما بطلع اصلاً وين اروح لين طلعت

وراح حسن الحمام وطول كل ما تقول اله فاطمة يالله حسن قبل لايجي ابويي
حسن::فاطمة انا بطني يعورني ومانا قادر.......

فاطمة راحت اتجيب الى حسن كاس ماي وهي نست البا الشارع ما قفلته ورجعت

شافت باب الحمام مفتوح قالت اه ه ه ه ه ه ه ه ه ه ه ه ه الحين وشي اسوي ان شاء الله يرجع قبل ابويي

وما رجع حسن جا ابو حسن وعلى طول سأل فاطمة وين حسن ليش فتحتي البا انا مو قلت الك لا تفتحي الباب اليه مو حذرتك خلاص انتي مو اخوه فاهمة
هدا واحد مدمن ما منا فايدة يالله انقلعي غرفتك لا احط حرقيتي كلها فيش
وراححت على سريرها وقامت اتصيح قالت ليش احنا شدي اتصير علينا المصايب

ليش ياربي انا كل يوم ادعي على شان بس تبعد عنا البلاء ياربي اهدي اخوي وخليه يهون من السم اللي ياخده<<<<بعد وييييش

وهني بذا الاكشن :::::

حسن كان في السوق هالمرة مو ذهب بيبوق اله سالفة كبيرا يالله انشوف:

وهو ما شي شاف احد نازل من سيارته ودخل البقالة وحسن رقض الى السيارة واخدها وقاعد يمشي فيها واله الشرطة وراه تلاحقة .......
وي وي وي وي وي وي وي سلم نفسك احسن الك ترى ما بيحصل الك طيب

وحسن ما طاوع وكمل طريقه وشوي مر عند اشارة طبعا ابوه درة باسالفة
زقز وراح ويا الشرطة وشي وقف عند اشارة المرور صاير زحمة فا نزل

ورقض ونزلو معاه الشرطة وقامت الدغرة المهم وشــــــــــــــــــــــي



هالمرة عدد كبير
99




98



97





96






95







94







93







92








91











90









89




88








87






86








85






امزح معاكم وشوي
اله وقف حسن مو لانه اتعب لا مر في مكان مسدود وقدامه في شبك وجا يبغا انط الشبك والشرطي يطلع المسدس يبغى يقتله
توقعوا وشي صار هل قتله ام لا؟؟؟؟ الان نعرف







ابو حسن نهب المسدس من ايد الشرطي ووجه المسدس على حسن وتوه بيقتله
اله حسن قعد وطلع يمين ويسار اله يسأل ابوه انا في وين واخته جمبه

ابوحسن::انت في المستشفى

حسن::ليش؟؟؟!!!!!!
ابوحسن::انت صار الك اسبوع ما اكلت وجت الك غيبوبة وتوك قاعد
وخلاص انا موافق انك تذخل النادي
حسن صار اليه ساعة حتى يستوعب وشي السالفة
حسن::ههههههههههههههههههههههههههههههههههههههههههههه ه

ابوحسن يطلع في بنته فاطمه !!!!!!!!!!!!!!!!!!!!!!!



لما كان يقول الى ابوه انه بيدخل النادي وصار اليه اسبوع ما اكل ولاشي
والقصة كلها كانت حلمة
اسف على كل شي سويته واسف على التأخير ان كان ازعجكم


هههههههه وخلصت الحتوتة




؟؟؟؟؟؟؟؟؟؟؟؟؟؟؟؟؟؟؟؟؟؟؟؟
والاجابة على السؤال ما هو مضمون القصة؟
صحيح ان هي نهايتها حلمة بس اليها مضمون

طبعاً واضح مثل الشمس ان الابو مو ما يدلع ولده يدلع بس مو كل شي يبغاه يعطيه وياه ما صارت تربية والدلع نهايته الدمــــــــــــــــــــــــار


وهدي هي قصتي اسف على اني دوختكم في القصة ولكن الامتحانات هي اللي تحكم
وانا مو دلوووووع<<<خخخخخخخخخ




وابغا الحين اسمع كل اللي كانو يتابعوني والي مايتابعوني

سلام عليكم




روح الله